Fabbian
Fumagalli
Hera
Belid
Vibia
TEM
Olympia
Casambi
Um Rafkaup

Rafkaup er þjónustufyrirtæki sem sérhæfir sig í sölu og þjónustu á lömpum, lampabúnaði og ljósaperum. Markmið félagsins er að vera ávallt í fremstu línu varðandi þjónustu til viðskiptavina sinna og markaðssetningu á þeim vörum sem fyrirtækið selur. Rafkaup er umboðsaðili margra þekktra vörumerkja og má þar nefna Delta Light, iGuzzini, Schreder, KLUS, Belid, Fumagalli, Intra Lighting og Olympia.

Rafkaup var stofnað 19. júní árið 1982 af Óskari Rafnssyni og opnaði hann verslun að Suðurlandsbraut 4. Í upphafi var starfsemi Rafkaups innflutningur frá Brilliant Leuchten AG í Þýskalandi og smásala á lömpum og raflagnaefni til heimilisnota, sem þróaðist síðar í heildsölu til verslana á landsbyggðinni.

Nýtt tímabil hófst í sögu fyrirtækisins árið 1989, þegar flutt var í húseignina að Ármúla 24. Rafkaup lagði enn ríkari áherslu á heildsölu til verslana, rafverktaka og stofnana, en einnig var lögð meiri áhersla á þátttöku í útboðum til byggingaverktaka og annarra.

Rafkaup rekur í dag um 500m2 verslun ásamt 200m2 sýningarsal á annarri hæð, þar sem viðskiptavinum er boðin þjónusta og ráðgjöf um val og notkun varðandi lýsingarbúnað.

Erlendir birgjar eru um 60 talsins, flestir frá Evrópu, og nær vörubreiddin yfir nánast allt sem hugsast getur varðandi lýsingu. Hjá fyrirtækinu starfa að staðaldri um 15 manns.

Rafkaup hefur frá árinu 2012 verið á lista Creditinfo yfir Framúrskarandi fyrirtæki á Íslandi.

Framúrskarandi fyrirtæki Creditinfo

Framúrskarandi fyrirtćki
NEYĐARLJÓS
Ljós og lampar
Apps
Útiljós
Tilbođsvörur